سەرۆکی مەکتەبی سیاسیی حەماس و بەرپرسی هەواڵگریی تورکیا لە دەوحە کۆدەبنەوە

ئاڤا نیوز

 

سەرچاوە ئەمنییەکانی تورکیا ڕایدەگەیێنن، هەریەک لە ئیبراهیم کاڵن، بەرپرسی میتی تورکیا و ئیسماعیل هەنییە، سەرۆکی مەکتەبی سیاسی بزووتنەوەی حەماس لە دەوحەی پایتەختی قەتەڕ کۆبوونەوە.

 

بۆچی گرنگە؟ ئەم کۆبوونەوەیە لە کاتێکدایە، حەماس چاوەڕێی وەڵامی ئیسرائیل دەکات بۆ ئاگربەست و تورکیا لایەنگری حەماس دەکات.

 

بابەتە ستراتیژییەکە: لە کۆبوونەوەکەدا، تاووتوێکردنی دوایین دۆخی ناوچەکە، بەرەوپێشبردنی پرسی ئاگربەستی غەززە، گەیاندنی هاوکارییە مرۆییەکان بۆ غەززە باس کراوە.

 

ئەمەش بزانە: لە دوای حەوتی ئۆکتۆبەرەوە، تورکیا پەیوەندییەکانی لەگەڵ حەماس بەرەوپێش بردووە، بە پێچەوانەی ئەمریکا و رۆژئاوا، ڕەتی دەکاتەوە حەماس " گرووپێکی تیرۆرستی بێت".