هەواڵگریی تورکیا کوژرانی بەرپرسێکی  باڵای پەکەکەی ڕاگەیاند

ئاڤا نیوز

 

لە سەروبەندی بۆردوومانە بەردەوامەکانی تورکیا، دەزگای هەواڵگری ئەو وڵاتە، کوژرانی یەکێک لە بەرپرسە باڵاکانی پارتی کرێکارانی لە هەرێمی کورستان ڕاگەیاند. 

 

وێنە گەورەکە: بە گوێرەی هەواڵێکی دەزگای هەواڵگریی تورکیا، لە خاڵی ئۆپەراسیۆن لە چیای گارە کە دەکەوێتە سنووری نێوان کوردستان و تورکیا، شەڤگەر چیا ناسراو بە (سێدات ئاکسو) کە یەکێکە لە بەڕێوەبەرانی ڕێکخراوەکە، لەگەڵ چەند هاوڕێیەکی کراوەتە ئامانج.

 

لە پاڵ ئەوەشدا: بە گوێرەی هەواڵەکە، ڕێکخراوی پەکەکە ماوەیەکی زۆرە کوژرانی شەڤگەری شاردووەتەوە.

 

بۆچوونی لایەنی بەرامبەر: میدیای نزیک لە پەکەکە هەواڵی کوژرانی ئەو بەرپرسەی پشتڕاست کردووەتەوە و دەڵێت، گەریلاکانی لە زاپ هێرشیان کردووەتە سەر سەربازانی تورکیا، چوار سەربازیان کوشتووە و سێی دیکەش بریندارکراون.

 

باکگراوند: سێدات ئاکسو، لە ساڵی 2016 بەرپرس بووە لە داڕشتن و ڕێکخستنتی پلانی هێرشکردنە سەر جەندرمەی تورکی، لە رۆژئاوای کوردستانیش چالاکی هەبووە.