ئەردۆغان: زیاتر لە هەزار ئەندامی حەماس لە نەخۆشخانەکانی تورکیا چارەسەر دەکرێن

ئاڤا نیوز

 

سەرۆککۆماری تورکیا جارێکی دیکە پشتیوانی خۆی بۆ بزووتنەوەی حەماس دەربڕی و ئەوەی ئاشكرا کرد، زیاتر لە هەزار ئەندامی حەماس لە تورکیا چارەسەر دەکرێن.

 

وێنە گەورەکە: ئەردۆغان کە لە کۆنگرەیەکی ڕۆژنامەوانیدا لەگەڵ کیریاکۆس میچۆتاکیس، سەرۆکوەزیرانی یۆنان باسیان لە پرسی حەماس کرد، جارێکی دیکە جەختی لە "تیرۆریستنەبوونی" بزووتنەوەی حەماس کردەوە. یۆنان لەو پرسە لەگەڵی هاوڕا نەبوو، ئەمەش ئەردۆغانی نیگەران کرد. 

 

لێدوانی فەرمی: ئەردۆغان بە سەرۆکوەزیرانی یۆنانی گوت: "ناوبردنی حەماس بە گرووپێکی تیرۆریستی بڕیارێکی بێبەزەیی و نادادپەروەرانەیە". من هیچکات بە حەماس ناڵێم "تیرۆریست".

 

بۆچوونی لایەنی بەرامبەر: لەبەرامبەر ئەو قسانەدا، سەرۆکوەزیرانی یۆنان گوتی: "بەڵام لە پرسی ئاگربەستی غەززە هاوڕاین".