سوپای ئیسرائیل ئۆپەراسیۆنی سەربازیی لە جەبەلیا فراونتر دەكات

ئاڤا نیوز

 

سوپای ئیسرائیل ئۆپەراسیۆنەكانی لە ناوچەی جەبەلیا لە باكووری كەرتی غەززە فراوانتر دەكات و  هەزاران سەرباز تێیدا بەشداری دەكەن.

 

وێنە گەورەكە: ئۆپەراسیۆنەكانی سوپای ئیسرائیل لەناو كەرتی غەززە بەردەوامن، بەڵام تاوەکو ئێستا هیچ ئۆپەراسیۆنێكی تایبەتی لە ناوچەی ڕەفەح دەستی پێ نەكردووە.

 

لێدوانی فەرمی: ئەفیغای ئەدرەعی، گوتەبێژی سوپای ئیسرائیل ڕایگەیاند، تۆپخانەكانیان 100 پێگەی سەربازیی حەماسییان لە ناوچەی جەبەلیا كردووەتە ئامانج و دەیان چەكداری گرووپەکە كوژراون.

 

ئەوەی پێویستە بیزانیت: جەبەلیا ناوچەیەكی گرنگە بۆ حەماس، لە ماوەی ڕابردوودا دەیان تونێلی گەورەی لە ناوچەكە دروستكردووە و لەوێوە چەندین هێرشی كردووەتە سەر سوپای ئیسرائیل.