وەزیرانی بەرگریی تورکیا و ئۆکراینا کۆدەبنەوە

ئاڤا نیوز

 

یەشار گولەر، وەزیری بەرگریی تورکیا، لەگەڵ هاوتا ئۆکراینیەکەی رۆستەم ئومێرۆڤ، لە باڵەخانەی وەزارەتی بەرگریی تورکیا کۆبوونەوە.

 

بۆچی گرنگە؟ ئەم کۆبوونەوەیە لەکاتێکدایە، ئۆکراینا و ڕووسیا لە شەڕی دژ بەیەکن، دەیانەوێت لایەنگیری وڵاتان بەدەست بێنن.

 

وێنە گەورەکە: رۆستەم ئومێرۆڤ، لە بارەگای وەزارەتی بەرگریی نیشتمانی تورکیا بە مەراسیمێکی سەربازی پێشوازی لێکرا. 

 

ئەوەی پێویستە بیزانیت: کۆبوونەوەیەکی داخراو لە نێوان هەردوو وەزارەت بەڕێوەچوو، هیچ زانیارییەک لەبارەی ناوەرۆکی کۆبوونەوەکە بۆ میدیاکان ئاشکرا نەکراوە. 

 

باکگراوند: هەشتی ئادار، سەرۆکی ئۆکراینا سەردانی تورکیا کرد، بەمەش قۆناغێکی نوێی پەیوەندییە دیپلۆماسییەکانی نێوان تورکیا و ئۆکراینا دەستیپێکرد.