ئەردۆغان: ئاکپارتی بە ڕووخساری نوێوە بەردەوام دەبێت

ئاڤا نیوز

 

ئەردۆغان پەیامێکی نوێی بە گوێی خەڵکی تورکیادا دا کە گوزارشت لە دانانی رووخساری نوێ لەنێو ئاکپارتی دەکات.

 

وێنە گەورەکە: ڕەجەب تەیب ئەردۆغان، سەرۆککۆماری تورکیا و سەرۆکی  ئاکپارتی لە کۆبوونەوەی کابینەی پارتەکەی جەختی لەوە کردەوە، ڕێز لە ڕەخنەکانی خەڵک دەگرن و خۆبەدوورگرتنی لە خەڵک و بازاڕ، لە هیچ شوێنێکی سیاسەتی ئایندەی پارتەکەی جێگەی نابێتەوە.

 

ئەو مانایەی دەیگەیێنێت: گۆڕانکاریی گەورە لەنێو ئەندامان و کاربەدەستانی ئاکپارتی دروست دەبێت.

 

لێدوانی فەرمی: ئەردۆغان ئاماژەدان بەوەی کە پارتەکەی چووەتە پڕۆسەی نوێبوونەوە، گوتی، "پێویستمان بە کەسانێک نییە کە دەسەڵات لە ئاکپارتی وەربگرن، بەڵکو پێویستمان بە کەسانێک هەیە کە ئاسۆ و دیدگا و هێز بۆ ئاکپارتی زیاد بکەن".

 

ئەوەی لەبارەیەوە دەگوترێت: میدیاکانی تورکیا باس لە نوێبوونەوەی ئاکپارتی دەکەن، سیاسەتمەدارانیش دەڵێن، قسەکانی ئەردۆغان بە مانای بەستنی کۆنگرەی ئاکپارتی دێت.