عێراق ژمارەی ئەو زیندانییانە بڵاو دەکاتەوە کە لێبووردنی تایبەت دەیانگرێتەوە

ئاڤا نیوز

 

وەزارەتی دادی عێراق لیستێک لە ناوی زیندانییەکانی عێراقی ئامادە کردووە بۆ ئەوەی بەپێی یاسای لێبووردنی تایبەت ئازاد بکرێن، کە ژمارەیان 400 کەسە.

 

ڕاگەیێنراوی فەرمی: ئەحمەد لعێبی، گوتەبێژی وەزارەتی دادی عێراق ڕایگەیاند: "لێبوردنی تایبەت، ئەو نەوجەوان، منداڵ و ئافرەتانە دەگرێتەوە کە بە سێ ساڵ یان کەمتر زیندانی کراون و ماوەی مانەوەیان لە زیندان لە دوو ساڵ زیاتر نەبووە".

 

زانیاریی زیاتر: تاوەکو ئێستا بڕیاری لێبوردنی تایبەت لەلایەن سەرۆککۆمارەوە نەدراوە کە بەپێی دەستووریی عێراق، دەسەڵاتی ئەوەی هەیە بڕیاری لێبووردن بۆ زیندانیان دەربکات، جگە لەو کەیسانەی بە تاوانی نێودەوڵەتی، تیرۆر و گەندەڵیی دارایی سزا دراون.