بەهۆی زیادبوونی بەکارهێنەرانی ماددەی هۆشبەر لە عێراق پشکنین بۆ قوتابییانی ماستەر و دکتۆرا دەکرێت

ئاڤا نیوز

 

بەهۆی زۆربوونی بەکارهێنەرانی ماددەی هۆشبەر، وەزارەتی خوێندنی باڵا وتوێژینەوەی زانستیی عێراق بڕیاری دا کە پێویستە سەرجەم پێشکەشکارانی خوێندنی ماستەر و دکتۆرا، دوای وەرگرتنیان پشکنینی تایبەت بە ماددە هۆشبەرەکانیان بۆ بکرێت.

 

نووسراوی فەرمی: وەزارەتی خوێندنی باڵا نووسراوێکی لەبارەی ماددە هۆشبەرەکان دەرکردووە کە پاڵپشتە بە نووسراوی ئەنجوومەنی هەواڵگریی نیشتمانیی عێراق، جەخت لە پشکنینی تایبەت بە ماددە هۆشبەرەکان بۆ قوتابییانی خوێندنی باڵا دەکاتەوە.

 

ئەوەی پێویستە بیزانیت: لە سەرەتای ئەمساڵەوە لە عێراق دەستبەسەر 12 تۆن ماددەی هۆشبەر وکارتێکەرە دەروونییەکان لە عێراق گیراوە و حکومەت هەوڵ بۆ دامەزراندنی سیستمێكی نێودەوڵەتی بۆ ڕووبەڕووبوونەوەی هەڕەشەی ماددە هۆشبەرەكان لە ڕێگەی ڕێککەوتن و یادداشتنامەی لێكتێگەیشتن لەگەڵ وڵاتان و بەتایبەتی وڵاتانی دراوسێ واژۆ بکات.