پاش دوو هەفتە لە ڕێگریکردن دروێنەی گەنمی جووتیارانی كورد دەستپێدەكاتەوە

ئاڤا نیوز

دروێنەکردنی بەروبوومی جوتیارانی ناوچەی سەرگەڕان، پاش ڕێگرییەکانی سووپای عێراق، بەرەبەیانی ئەمڕۆ دەستی پێ کردەوە.

وێنە گەورەكە: لە سەرەتای زەردبوونی دەغڵی جووتیارانی كورد لە سنووری سەڕگەڕان و پەلكانە و دەوروبەری، عەرەبە هاوردەكان خێمەیان لە ناو بەروبوومەکانیان هەڵدا و ڕێگرییان كرد لەوەی جووتیارانی كورد بەرهەمەكانیان دروێنە بكەن.

ئەوەی پێویستە بیزانیت: لیژنەیەکی پەرلەمانی عێراق بە سەرۆکایەتی د.شاخەوان عەبدوڵا جێگری سەرۆکی پەرلەمان سەردانی ناوچەکەی کرد، بڕیاردرا بە چارەسەرکردنی کێشەی جوتیاران و هەڵگرتنی خێوەتی مانگرتووانی عەرەبی هاوردە.

 

لێدوانی فەرمی: هەڵمەت جەوهەر، جوتیاری گوندی پەلکانە بە ئاڤا نیوزی گوت: ئەمڕۆ لە تەواوی ناوچەکە دروێنەکردنی گەنم و جۆ دەستی پێ کردووە، سوپاس بوخوا هەوڵەکانمان بێ ئەنجام نەبوو.