285 پەرلەمانتار لە هۆڵی کۆبوونەوەی پەرلەمانی عێراق ئامادەن

ئاڤا نیوز 

زۆرینەی ئەندامانی پەرلەمانی عێراق لەنێو هۆڵی پەرلەمانن بۆ دەنگدان لەسەر بەربژێرەکانی سەرۆکایەتیی پەرلەمان.

وێنە گەورەکە: چوار کەس بەربژێرن بۆ وەرگرتنی پۆستی سەرۆکایەتیی پەرلەمان کە بریتیین لە، مەحموود مەشهەدانی، سالم عیساوی، عامر عەبدولجەبار و تەڵاڵ زەوبەعی کە لە بەرژەوەندیی مەشهەدانی کشایەوە.

زانیاری بەدەستهاتوو: 285 پەرلەمانتار ئامادەی بەڕێوەچوونی کۆبوونەوەی پەرلەمانن بۆ دەنگدان لەسەر سەرۆکێکی نوێی پەرلەمان.

بۆچی گرنگە: دوای زیاتر لە شەش مانگ لە چۆڵبوونی پۆستی سەرۆکی پەرلەمان، و دوای چوار هەوڵدانی پەرلەمان بۆ هەڵبژاردنی سەرۆکەکەی، ئەمڕۆ کۆبوونەوەی پەرلەمان بۆ یەکلاکردنەوەی ئەو پۆستە دەستیپێکردووە.