بەهۆی شۆرتی کارەباوە ئاگر لە بازاڕی قەیسەریی کەرکووک کەوتەوە

ئاڤا نیوز

بەرەبەیانی ئەمڕۆ ئاگر لە چەند دووکانێکی قەیسەریی کەرکووک کەوتەوە و تیمەکانی ئاگر کوژێنەوە ڕێگرییان لە تەشەنەسەندنی کرد.

زانیاریی پەیامنێر: ئەحمەد عەبدوڵڵا پەیامنێری ئاڤا نیوز لە کەرکووک ڕایگەیاند: ئاگرەکە زیانی گیانی نەبووە، بەڵام ژمارەیەک دووکان سووتاون و بەهۆی زوو فریاکەوتنی تیمەکانی ئاگر کوژێنەوە ڕێگری کراوە لە تەشەنەسەندنی ئاگرەکە بۆ تەواوی بازاڕەکە.

ئەوەی پێویستە بیزانیت: بەگوتەی پەیامنێری ئاڤا نیوز لە کەرکووک، هۆکاری ئاگرەکە شۆرتی کارەبا بووە.