داوای دوورخستنەوەی پەرلەمانتارێكی عێراق دەكرێت

ئاڤا نیوز 

لە دوای شەڕ و گرژییەکانی دوێنێی پەرلەمان، پەرلەمانتارێک داوا دەکات ئەندامێتیی هەیبەت حەلبووسی پەرلەمانتاری هاوپەیمانیی تەقەدووم هەڵبوەشێنرێتەوە.

ڕاگەیێنراوی فەرمی: "هەیبەت حەلبووسی هەڕەشەی بەکارهێنانی هێزی دەکرد بۆ ڕێگریکردنی لە بەڕێوەچوونی پرۆسەی دەنگدان، ئەمەش ڕیگریکردنە لەوەی پەرلەمان ئەرکی دەستووری خۆی بەجێبگەیێنێت و پێشێلکردنی سوێندی دەستووریە، بۆیە ئەندامێتیی هەڵدەوەشێتەوە" باسم خەششان، پەرلەمانتاری عێراق.

وێنە گەورەکە: دوێنێ گەڕی دووەمی دانیشتنی پەرلەمانی عێراق بۆ دەنگدان بە سەرۆکی نوێی پەرلەمان بەڕێوەچوو، هیچکام لە بەربژێران دەنگی پێویستی زۆرینەی ژمارەی پەرلەمانتارانیان نەهێنا، هەڵبژاردن چووە گەڕێکی نوێی دەنگدان و دواتر بەهۆی گرژیی نێوان پەرلەمانتاران دانیشتنەکە هەڵگیرا.

زانیاریی زیاتر: بەهۆی ئەو شەڕ و گرژییانەی دوێنێی پەرلەمان بەشێک لە پەرلەمانتاران برینداربوون، یەکێک لەوانەش هەیبەت حەلبووسی بوو.