ئەیاد حسێن: بە نیازم کارێکی هونەری لەسەر "شانەدەر زێد" بکەم

ئاڤا نیوز

هونەرمەند ئەیاد حسێن دەڵێت بەنیازە كارێكی هونەری لەسەر "شانەدەر زێد" بكات، پێزانینی خۆشی ئاراستەی ئاڤا کرد کە بە بەردەوامی پاڵپشتی هونەر و هونەرمەندان دەکات.

لێدوانی تایبەت: ئەیاد حسێن، بە ئاڤانیوزی گوت: دوای بڵاو کردنەوەی هەواڵە مێژووییەکەی شانەدەر زێد، بڕیارم دا بەرهەمێکی هونەریی  و مێژوویی و ئاست بەرز بەرهەم بهێنم، جاران ئەگەر بە چەند هۆکارێک شانازیمان دەکرد بە کوردستانەوە، ئێستا سەد هۆكارە.

زانیاریی زیاتر: ئەگەر کەمتر چالاکی هونەریم هەیە تەنیا لەبەر ئەوەیە حەزدەکەم  کارێکی جوان و ئاست بەرز پێشکەشی میللەتی خۆم بکەم. ئەیاد وای گوت. 

باکگراوند: ئەیاد حسێن لەدایکبووی شاری هەولێرە و هەر لە تەمەنی چوار ساڵانەوە گرنگی بە هونەر داوە، لە ساڵی 2000 ە وە دەستی بە کاری هونەری کردووە.