هاوپەیمانیی عەزم: دوو ڕۆژی دیکە وادەیەکی نوێ بۆ هەڵبژاردنی سەرۆکی پەرلەمان دیاری دەکرێت

ئاڤا نیوز

 

هاوپەیمانیی عەزم کە موسەننا سامەڕایی سەرۆکایەتیی دەکات، داوا لە سەرۆکایەتیی پەرلەمان و لایەنە سیاسییەکان دەکات تاوەکو دوو ڕۆژی دیکە، وادەیەکی نوێ بۆ هەڵبژاردنی سەرۆکی پەرلەمان دیاری بکەن.

 

ڕاگەیێنراوی فەرمی: هاوپەیمانیی عەزم ڕایگەیاندووە، "ئەو گرژییەی دوێنێ ئەندامانی تەقەدووم کردیان زیادەڕۆیی بووە و ناوبانگی پەرلەمان و دەوڵەتی شێواند؛ داوا لە دادگەی فیدراڵی دەکەین ئەم سووکایەتییانە ڕابگرێت".

 

وێنە گەورەکە: لە هەڵبژاردنی سەرۆکایەتیی پەرلەمان، بەهۆی ئەوەی هیچ کام لە بەربژێران دەنگی پێویستیان بەدەست نەهێنا، هەڵبژاردن چووە گەڕێکی نوێی دەنگدان، بەڵام بەهۆی گرژییەوە دانیشتنەکە هەڵگیرا.

 

ئەوەش بزانە: شەڕ و گرژییەکەی دوێنێ لە نێوان هەیبەت حەلبووسی، ئەندامی هاوپەیمانیی تەقەدووم و موسەننا سامەڕایی و ئەحمەد جبووری ڕوویدا.