باران گۆلاوی ورمێ دەبووژێنێتەوە

ئاڤا نیوز

 

بەهۆی بارانبارینی ئەم دواییە، گۆلاوی ورمێ جارێکی دیکە دەبووژێتەوە کە هەتا دەهات زیاتر وشک دەبوو و مەترسی لەسەر دیمۆگرافیای ناوچەکە دروست کردبوو.

 

توێژینەوەکان: بەپێی توێژینەوەیەکی زانکۆی سەنعەتیی شەریفی تاران، لە 25 ساڵی ڕابردوو، سەدا 97ـی ئاوی دەریاچەی ورمێ وشک بووە، توێژینەوەیەکی زانکۆی تەورێزیش دەڵێت، هۆکاری سروشتی کاریگەرییان لەسەر وشکبوونی گۆلاوی ورمێ هەبووە، بەڵام هۆکارە سەرەکییەکەی مرۆییە.

 

لێدوانەکان: بەرپرسانی ئێران باس لەوە دەکەن، کاریان کردووە بۆ ئەوەی جارێکی دیکە ئاو بێتەوە ناو گۆلاوەکە و کۆمەڵێک ڕێکاریان بۆ ئەو مەبەست گرتووەتەبەر.

 

بۆچوونی لایەنی بەرامبەر: ژینگە پارێزان ئاماژە بەوە دەکەن، بەرپرسان نەک هیچ کارێکیان نەکردوە بەڵکو ئەوان هۆکارن بۆ وشک بوونی. ئەوان نەک بەنیاز نین گۆلاوەکە ببووژێنێتەوە، بگرە شوێنەواری وشکبوونەکەشی بە ماددەیەک دادەپۆشن تا ڕێ لە بڵاوبوونەوەی خۆڵ و خوێیەکەی بگیرێت.

 

هۆکارە زانراوەکان: 51%ـی ئاوی دەریاچەی ورمێ لە ڕووبارەکانی جەغەتوو و تەتەهووی پارێزگاکە، %39 لە ڕووبارەکانی تەورێز و %11ـشی لە ڕووبارەکانی پارێزگای سنەوە دابین دەبوو، بەڵام ئێستا لەسەر ئەو ڕووبارانە بەنداو دروست کراوە، ئەمەش وای کردووە ئاوی کەمتر بڕژێتە ناو گۆلاوەکەوە.