یەکگرتوو: لەگەڵ ئەوەین پێکهاتەکان بەشی خۆیان هەبێت

ئاڤا نیوز

سەرۆکی ئەنجوومەنی سەرکردایەتیی یەکگرتووی ئیسلامی ئاماژە بەوەدەدات، لەگەڵ ئەوەن کە پێکهاتەکان لە نێو پەرلەماندا مافی خۆیان هەبێت.

وێنە گەورەکە: دەستەی دادوەری کۆمیسیۆن بڕیاریدا بە گەڕاندنەوەی کورسیی پێکهاتەکان، بە شێوەیەک لە کۆی 100 کورسیی پەرلەمانی کوردستان پێنج کورسی بۆ پێکهاتەکان تەرخان بکرێت.

لێدوانی فەرمی: هادی عەلی، سەرۆکی ئەنجوومەنی سەرکردایەتی یەکگرتووی ئیسلامی، لە کۆنگرەیەکی ڕۆژنامەوانیدا ڕایگەیاند: "ئێمە لەگەڵ ئەوەین پێکهاتەکان بەشی خۆیان هەبێت، بەڵام پێدانی پێنج کورسی لە 100 کوورسییەکە  لە مافی ئەوانی دیکە کەمدەکاتەوە".

ئەوەی پێویستە بیزانیت: لە سکاڵاکەی سەرۆکوەزیران بارزانیدا داوا  کرابوو مافی پێکهاتەکان گرەنتی بکرێت، دادگەی باڵای فیدراڵیی عێراق بڕیارەکەی دەستەی دادوەری کۆمیسیۆنی لەبارەی دابەشکاری کورسییەکانی پەرلەمان و گەڕاندنەوەی کورسیی پێکهاتەکان پەسەند کرد.