پشکی هەرێمی کوردستان لەخشتەی بودجە چەند دەبێت؟

ئاڤا نیوز

لیژنەی دارایی ئەنجوومەنی نوێنەرانی عێراق وردبینی خشتەی بودجەی 2024 دەکات، پشکی هەرێمی کوردستان لە بودجەی گشتی زیاتر لە 20 تریلیۆن دینارە.

 

وێنە گەورەکە: قەبارەی بودجەی ئەمساڵ نزیکەی 210 تریلیۆن دینارە و  12 تریلیۆن دینار لە بودجەی پار ساڵ گەورەترە، بۆیە پشکی هەرێمی کوردستان زیادی کردووە.

 

زانیاریی بەدەستهاتوو: بەپێی خشتەی بودجە، كۆی گشتی خەرجی هەرێمی كوردستان لە بودجەی گشتیی عێراق 20 ترلیۆن و 910 ملیار و 463 ملیۆن و 950 هەزار دینارە، پشکی خەرجی بەکاربردن 14 تریلیۆن و 840 ملیار و 223 ملیۆن و 778 دینارە، خەرجی وەبەرهێنان چوار تریلیۆن و 954 ملیار و 240 ملیۆن و 172 هەزار دینار دەبێت.

 

لێدوانی فەرمی: سیپان شێراونی، ئەندامی لیژنەی ئابووری لە ئەنجوومەنی نوێنەرانی عێراق بە ئاڤا نیوزی گوت: "وردبینی لیژنەی دارایی بۆ خشتەکە زیاتر لە هەفتەیەک دەخایەنێت، بۆیە هەفتەی داهاتووش خشتەکە ناهێنرێتە نێو هۆڵی پەرلەمانی عێراق."