به‌هۆی گەندەڵییه‌وه‌ عێراق نەیتوانی درۆنی وەک "ئاکنجی" بەدەست بهێنێت

ئاڤا نیوز

 

ئەندامێکی لیژنەی ئاسایش و بەرگریی پەرلەمانی عێراق ئاشکرای دەکات، به‌هۆی گەندەڵییه‌وه‌ عێراق نەیتوانیوە درۆنی "ئاکنجی" بەدەست بهێنێت.

ئەوەی پێویستە بیزانیت: دوای ئەوەی فڕۆکەی بێفڕۆکەوانی “ئاکنجی” تورکیا ڕۆڵێکی بەرچاوی گیڕا لە ئۆپەراسیۆنی گەڕان و دیاریکردنی شوێنی کەوتنەخوارەوەی هەلیکۆپتەرەکەی سەرۆککۆماری ئێران، هەندێک سەرچاوە ئاماژە بەوە دەدەن عێراق سێ ساڵ پێش ئێستا گرێبەستی کڕینی فڕۆكەكەی كردووە.

لێدوانی فەرمی : وەعد قەدۆ، ئەندامی لیژنەی ئاسایش و بەرگریی پەرلەمانی عێراق، ڕایگەیاند: عێراق سێ ساڵ لەمەوبەر گرێبەستی کڕینی 12 فڕۆکەی هاوشێوەی لە لایەن تورکیاوە هەبوو، بەڵام بەهۆی گەندەڵییەوە هەمیشە ئەو گرێبەستانە شكست دەهێنێت.

باکگراوند: فڕۆکەی بێفڕۆکەوانی ئاکنجی کە لەلایەن کۆمپانیای بەیرەقداری تورکی دروستکراوە، دەتوانرێت بۆ چاودێری شەوانە و ئەرکەکانی گەڕان بەکاربهێنرێت. چونکە  دوو سیستەمی زیرەکی دەستکرد لەخۆدەگرێت کە سیگناڵەکان پرۆسێس دەکەن و هەستەوەرەکان یەکدەخەن .