توركیا كوژرانی بەرپرسێکی باڵای پەکەکە لە دیاربەکر ڕادەگەیێنێت

ئاڤا نیوز 

بەرپرسێکی باڵای پەکەکە کە ناوی لە لیستی داواکراوانی توركیادا هەبوو، لە ئۆپەراسیۆنێکی جەندرمەدا لە قەزایەکی سەر بە دیاربەکر كوژرا.

ڕاگەیێنراوی فەرمی: وەزارەتی ناوەخۆی تورکیا ڕایگەیاند: "لە ئۆپەراسۆنی "بۆزدۆغان-40" لە ناحیەی لیجەی سەر بە دیاربەکر(محەممەد یەڵدرم) کە ناسراوە بە سۆفی لە چالاکی خرا".

زانیارییە بەدەستهاتووەکان: "بەپێی ڕاپۆرتەکەی، وەزارەتی ناوەخۆی تورکیا، سۆفی تۆمەتبارە بە کوشتنی  هەشت پاسەوان و 15 هاوڵاتی، بریندارکردنی هەشت پاسەوان و 10 هاووڵاتی ئاسایی، جگە لەوەشەش چالاکی جیاوازیی دژ بە جەندرمەی تورکیا رێکخستووە".

بۆچوونی لایەنی بەرامبەر:میدیای نزیک لە پەکەکە هەواڵی کوژرانی محەممەد یەڵدرم پشڕاستدەکاتەوە و دەڵێت "لەناحیەی لیجەی دیاربەکر بۆ ماوەی چوار کاتژمێر ماڵ و گەڕەکی یەڵدرم گەمارۆ دراوە، ئەو ماڵە کە خێزان و منداڵی تێدابووە کراوەتە ئامانج".