ڕێگری لە جووتیارانی گەرمیان دەکرێت گەنم بۆ سایلۆی خوورماتوو بگوازنەوە

ئاڤا نیوز

 

کۆمەڵیک کەس ڕێگری دەکەن لە جووتیارانی سنووری گەرمیان لە گواستنەوەی گەنمەکانیان بۆ سایلۆی خورماتوو و داوای پارەیان لێدەکەن.

 

ئەوەی پێویستە بیزانیت: بەشێک لە جووتیارانی سنووری گەرمیان، نارەزایەتیان دەربڕیووە لە بەرامبەر ئەوەی بۆ گواستنەوەی گەنمەکانیان بۆ سایلۆی خورماتوو ڕێگریان لێدەکرێت و دەبێت بۆ گواستنەوەی هەر تۆنێک 80 هەزار دینار بدەن، ئەگەر نا ڕێگە بە ئۆتۆمبێلەکان نادرێت تێپەرن.

 

لێدوانی فەرمی: وەهاب ئەحمەد، بەرێوەبەری ناحیەی زنانە بە ئاڤا نیوزی ڕاگەیاند: بابەتی ڕێگریکردن لە جووتیاران لە سنووری گەرمیان ڕاستە، ئەمڕۆ توانیمان 14 کەس دەستگیر بکەین، بەڵام دادگای کفری بە بیانووی نەبوونی سکاڵای هیچ کەسێک لەسەریان ئازادی کردن.