لە کەرکووک گەنجێک دوای سێ ساڵ لە کۆما بە ئاگا دێتەوە

ئاڤا نیوز 

 

تەندروستیی کەرکووک رایگەیاند، گەنجێک دوای سێ ساڵ لە کۆما خەبەری بووەوە. 

 

بۆچی گرنگە: کۆما "Coma" بریتییە لە حاڵەتێکی لەدەستدانی ھۆش بۆ ماوەیەکی دیاری نەکراو، ئەو کەسەی تووشی دەبێت لە دەوروبەری دادەبڕێت و ئاگاداری هیچ شتێک نابێت.

 

لێدوانی فەرمی: زیاد خەلەف، بەڕێوەبەری گشتی تەندروستیی کەرکووک ڕایگەیاند: "گەنجەکە تووشی ڕووداوێک بووە و دواتر کەوتووەتە کۆما کە بۆ ماوەی سێ ساڵ بەردەوام بووە، بەڵام بەهۆی چاودێریی پزیشکی و کارمەندانی تەندروستی بە درێژایی ئەم ماوەیە لە نەخۆشخانەی فێرکاری ئازادی، ئەمڕۆ ئەو گەنجە لە کۆما هەڵساوە و چاکبووەوە".

 

زانیاریی زیاتر: زیاد خەلەف ئەوەشی ئاشکرا کرد کە گەنجەکە یادەوەریی بۆ گەڕاوەتەوە سەرەڕای ئەوەی بۆ ماوەی سێ ساڵ بێهۆش بووە، ئەمەش بۆ لێهاتوویی ئەو تیمە پزیشکییە دەگەڕێتەوە کە سەرپەرشتی ئەو نەخۆشەیان کردووە.