وەزیری پلاندانان زانیاری لەبارەی سەرژمێریی ئاشكرا دەكات

ئاڤا نیوز

 

وەزیری پلاندانانی حکومەتی هەرێمی کوردستان ڕایگەیاند، سەرژمێریی ئەزموونی ئەمڕۆ بکرێت یان سبەی کێشەی نییە، ئەوەی هەیە پەیوەندی بە بابەتی تەکنیکییەوە هەیە.

 

بۆچی گرنگە: پڕۆسەی سەرژمێریی بۆ هەرێمی کوردستان گرنگی خۆی هەیە، بەتایبەت بۆ دیاریکردنی ژمارەی دانیشتووان، پرسی بوودجە، هەڵبژاردن، بابەتی دەستوور و پێشێلکارییەکان.

 

وێنە گەورەکە: ڕۆژی 20-11-2024 بڕیارە سەرژمێری سەرتاسەری لە هەرێمی کوردستان و عێراق ئەنجام بدرێت.

 

لێدوانی فەرمی: د.دارا ڕەشید، وەزیری پلاندان، بە ئاڤا نیوزی گوت: "سەرۆکی بۆردی باڵای سەرژمێریی هەرێمی کوردستانم، لە عێراقیش وەزیری پلاندانانی حکومەتی فیدراڵ سەرپەرشتی دەکات، سەرژمێری ئەزموونی ئەمڕۆ یان سبەی بکرێت کێشەیەک دروست نابێت، شتێک بەناوی دواخستنی سەرژمێریی نییە، ئەوەی ئێستا هەیە پەیوەندی بە بابەتی تەکنیکییەوە هەیە.

 

زانیاریی زیاتر: تاوەکو 20-11-2024  بە چەند قۆناغێک وەک ئامادەکاری بۆ سەرژمێری دەکرێت، سەرژمێری ئەزموونی یەکێکە لە ئامادەکارییەکان.

 

ئەوەی پێویستە بیزانیت: تێچووی سەرژمێری سەرتاسەری عێراق، فیدراڵییە و لە بودجەی 2023 دا، بڕی 100 ملیار دیناری بۆ تەرخان کراوە.