سەدر داوای داخستنی باڵیۆزخانەی ئەمریکا لە عێراق دەکات

ئاڤا نیوز

 

موقتەدا سەدر، ڕێبەری باڵای ڕەوتی نیشتمانی شیعی داوای داخستنی باڵیۆزخانەی ئەمریکا لە عێراق و دەرکردنی باڵیۆزەکەی دەکات بەهۆی پاڵپشتیکردنی ئەمریکا لە ئیسرائیل لە جەنگی دژی غەززە.

 

ڕاگەیێنراوی فەرمی: "دووبارە داوا دەکەم باڵیۆزی ئەمریکا لە عێراق دەربکرێت و باڵیۆزخانەی ئەو وڵاتە دابخرێت بەشێوەیەکی دیبلۆماسی و بێ ڕشتنی خوێن، بۆ سەلماندنی ئاشتیخوازیی خۆمان بەرامبەر تیرۆریستیی ئەوان" موقتەدا سەدر، ڕێبەری ڕەوتی نیشتیمانیی شیعی وای گوت.

 

زانیاریی زیاتر: موقتەدا سەدر داوا لە ڕێکخراوی هاوکاریی ئیسلامی و کۆمکاری عەرەبی دەکات، ڕۆڵی کارایان بەرامبەر جینۆسایدکردنی خەڵکی غەززە لەلایەن ئیسرائیلەوە هەبێت.

 

باکگراوند: زیاتر لە حەوت مانگە جەنگی ئیسرائیل بۆ سەر غەززە دەستیپێکردووە و کە تائێستا نزیکەی 36 هەزار فەلەستینی کوژراون و لە سەرەتای جەنگەکەوە ئەمریکا کۆمەکی چەک و دارایی ئیسرائیل دەکات.