سعودیە دوو شۆفێری گواستنەوەی حاجییانی عێراقی بە تۆمەتی گواستنەوەی جگەرە دیپۆرت دەکاتەوە

ئاڤا نیوز

 

بەهۆی سەرپێچیی یاسایی، سعودیە دوو شۆفێری عێراقی کە حاجییانیان دەگواستەوە بۆ ئەنجامدنی فەریزەی حەج دیپۆرت کردەوە.

 

ڕاگەیێنراوی فەرمی: لە ڕاگەیێنراوێکدا دەستەی باڵای حەج و عەمرەی سعودیە ڕایگەیاند، دوو شۆفێری پاسی گواستنەوەی حاجییانی عێراقی دیپۆرت کردەوە بەهۆی گواستنەوەی ماددە قەدەغەکراوەکان لەوانەش جگەرە بۆ شوێنە پیرۆزەکان لە مەککە.

 

زانیاریی زیاتر: دەستەی حەج و عەمرە، سزای قەدەغەبوونی هەتاهەتایی هاتنە ناوەوەی وڵاتی سعودیە و سەپاندنی پێدانی بڕە پارەیەکی بۆ ئەو دوو شۆفێرە دەرکرد.

 

ئەوەی پێویستە بیزانیت: بە ڕێگەی ئاسمانی و وشکانی حاجییانی عێراق و هەرێمی کوردستان ڕوو لە وڵاتی سعودیە دەکەن بۆ ئەنجامدانی فەریزەی حەج و تاوەکو دوێنێ زیاتر لە 18 هەزار حاجی گەیشتوونەتە ئەو وڵاتە.