لە چوار ساڵی ڕابردوودا زیاتر لە شەش ملیۆن گەشتیار سەردانی دهۆکیان کردووە

ئاڤا نیوز

 

گوتەبێژی گەشتوگوزاریی دهۆک ڕایدەگەیێنێت، لە چوار ساڵی ڕابردوودا زیاتر لە شەش ملیۆن گەشتیار سەردانی دهۆکیان کردووە.

 

وێنە گەورەکە: لە چوارچێوەی کارنامەی کابینەی نۆیەم کەرتی گەشتیاریی یەکێکە لەو کەرتانەی زۆرترین گرنگی پێدراوە، چاوەڕوان دەکرێت بەهۆی ئەو گرنگییەی حکومەت تاوەکو کۆتایی ساڵی 2024، هەشت ملیۆن گەشتیار ڕوو لە هەرێمی کوردستان بکەن.

 

لێدوانی فەرمی: شەماڵ هروری، گوتەبێژی گەشتوگوزاریی دهۆک بە ئاڤا نیوزی گوت: "لە چوار ساڵی ڕابردوودا، شەش ملیۆن و 816 هەزار و 727 گەشتیار سەردانی پارێزگای دهۆکیان کردووە".

 

ژمارەکان وادەڵێن:

- لە ساڵی 2020دا 150 هەزار گەشتیار. 
- لە ساڵی 2021دا ملیۆنێک و 573 هەزار و 770 گەشتیار.
- لە ساڵی 2022دا دوو ملیۆن و 573 هەزار و 770 گەشتیار.
- لە ساڵێ 2023دا دوو ملیۆن و 519 هەزار و 187 گەشتیار.