عێراق زیاتر لە شەش هەزار پارچە شوێنەوار لە دەرەوەی وڵات دەگەڕێنێتەوە

ئاڤا نیوز

 

دەستەی گشتی شوێنەوار و کەلەپووری عێراق، لە ماوەی ڕابردوودا توانیویەتی زیاتر لە شەش هەزار پارچە شوێنەواری دزراو بگەڕێنێتەوە عێراق.

 

ڕاگەێینراوی فەرمی: عەلی شەلغم، سەرۆکی دەستەی گشتی شوێنەوار و کەلەپووری عێراق ڕایگەیاند: "لە ڕێگەی دیبلۆماسیەتی عێراق و بە هاوکاریی وڵاتان، شەش هەزار و 250 پارچەی شوێنەواری عێراق لە دەرەوەی وڵات گەڕێنراونەتەوە".

 

زانیاریی زیاتر: لە سەرەتای ئەم هەفتەیەدا سێ پارچە شوێنەواری عێراق گەڕێنرایەوە، کە بریتیبوون لە پەیکەری (خوداوەندی خۆر)ـی ئاشورییەکان و دوو دیوار کە مێژووەکەیان بۆ سەردەمی ئاشورییەکانی پێش زایینی دەگەڕێتەوە.

 

ئەوەی پێویستە بیزانیت: لە سێ ساڵی ڕابردوودا حکومەتی عێراق توانیویەتی زیاتر لە 24 هەزار پارچە شوێنەوار کە بۆ دەرەوەی وڵات بردرابوون، بگەڕێنێتەوە.