لیژنەیەک بۆ بەدواداچوونى ڕووداوەکانی ناوچە کوردستانییەکانی دەرەوەی ئیدارەی هەرێمی کوردستان پێکهێنرا

ئاڤا نیوز

 

بە فەرمانی سەرۆکوەزیران بارزانی، لیژنەیەکی هەشت کەسی لە ئاستی حکومەتی هەرێمی کوردستان و حکومەتی فیدراڵی عێراق و دەرەوە، بۆ بەدواداچوونی ڕووداوەکانی ناوچە کوردستانییەکانی دەرەوەی ئیدارەی هەرێمی کوردستان پێکهێنراوە.

 

لێدوانی فەرمی: پێشەوا هەورامانی گوتەبێژی حکومەتی هەرێمی کوردستان ڕایگەیاند: بە فەرمانی سەرۆکوەزیران بارزانی، لیژنەیەکی هەشت کەسی لە ئاستی حکومەتی هەرێمی کوردستان پێک هێنرا بۆ بەدواداچوون لە ڕووداوەکانی ناوچە کوردستانییەکانی دەرەوەی هەرێم و ئەو کارەسات و نادادپەروەرییەی کە ڕووبەڕووی کوردانی ئەو ناوچانە بووەتەوە.

ئەوەی پێویستە بیزانیت: لیژنەکە بریتین لە:
ـ ڕێبەر ئەحمەد، وەزیری ناوخۆ
ـ د. ئومێد سەباح، سەرۆکی دیوانی ئەنجوومەنی وەزیران
ـ بێگەرد تاڵەبانی، وەزیری کشتوکاڵ و سەرچاوەکانی ئاو
ـ ئامانج ڕەحیم، سکرتێری ئەنجوومەنی وەزیران
ـ ئالان حەمەسەعید، وەزیری پەروەردە
ـ ئایدن مەعرووف، وەزیری هەرێم بۆ كاروباری پێكهاتەكان
ـ ئانۆ جەوهەر، وەزیری گواستنەوە و گەیاندن
ـ فەهمی بورهان، سەرۆکی دەستەی ناوچە کوردستانییەکانی دەرەوەی ئیدارەی هەرێمی کوردستان.

زانیاریی زیاتر: فەرمانەکەی سەرۆکوەزیران بارزانی کە ئەمڕۆ لە کۆبوونەوەی ئەنجوومەنی وەزیران دراوە، لیژنەکەی ڕاسپاردووە بۆ ئەوەی گفتوگۆ لەگەڵ حکومەتی فیدراڵی عێراق و لایەنە پەیوەندیدارە بیانییەکانی دەرەوەی عێراق بکەن لەسەر دۆخی ناوچە کوردستانییەکانی دەرەوەی ئیدارەی هەرێمی کوردستان.