ئەڵمانیا ڕێگە دەدات ئۆکراینا چەکەکانی لەناو ڕووسیا بەكاربهێنێت

ئاڤا نیوز

دوای ئەمریکا، ئەڵمانیاش ڕەزامەندی دەربڕی لە سەر ئەوەی ئۆکراینا بە چەکی ئەڵمانی ئامانجە سەربازییەکانی لە ناو خاکی ڕووسیا بپێکێت.

 

وێنە گەورەکە: هێرشی فراوانی ڕووسیا بۆ سەر هەرێمی خارکێڤ و پاشەکەشەی ئۆکراینا بووەتە جێی نیگەرانیی ئۆکراینا و هاوپەیمانە ڕۆژئاواییەکانی.  وڵاتانی ڕۆژئاوایی دەیانەوێت بە ڕێگەدان بە بەکارهێنانی چەکەکانیان لە ناو خاکی ڕووسیا یارمەتیی زیاتری ئۆکراینا بدەن. 

 

بۆچی گرنگە: ڕەزامەندیی وڵاتان لە سەر بەکارهێنانی چەکەکانیان بۆ پێکانی ئامانجەکان لە ناو خاکی ڕووسیا هاوکێشەکانی شەڕ دەگۆڕێت. 

 

باکگراوند: لە شوباتی 2022ـەوە شەڕی ڕووسیا و ئۆکراینا دەستیپێکردووە و هیچ ئاسۆیەک بۆ وەستانی شەڕەکە دیار نییە.