بە فێڵی ئیشکردن کەسێک چوار دەفتەر دۆلاری خەڵک دەخوات

ئاڤا نیوز

 

لە سلێمانی تۆمەتبارێک بەفێڵی ئیشکردن، بڕی چوار دەفتەر دۆلار لە چەند هاونیشتمانییەک وەردەگرێت، دواتر لەسەر سکاڵای ئەو کەسانە دەستگیر دەکرێت.

 

ڕاگەیێنراوی فەرمی: بەڕێوەبەرایەتیی پۆلیسی پارێزگای سلێمانی ڕایگەیاند، دوای ئەوەی سێ هاونیشتمانی سکاڵایان لەسەر  تۆمەتبار (ع، ع، ف) تۆمارکرد کە بڕی چوار دەفتەر دۆلاری بەناوی ئیشکردنەوە لێ وەرگرتوون، بەڵام دواتر تۆمەتبارەکە فێڵی لێکردوون و پارەکەی خواردووە، دوای وەرگرتنی بڕیاری دادوەر، مەفرەزەکانی بنکەی پۆلیسی سەیدسادق توانیان تۆمەتبار بدۆزنەوە و دەستگیری بکەن.

 

زانیاریی زیاتر: لە لێکۆڵینەوەکاندا تۆمەتبار دانی بەتاوانەکەیدا ناوە، بە فێڵ پارەی لە چەندین کەس وەرگرتووە و ئێستاش تۆمەتبارەکە ڕاگیراوە و لێکۆڵینەوەکان بەردەوامە.