عێراق پێشوازی لە بڕیاری کۆتاییهێنان بە ئەرکەکانی یونامی دەکات

ئاڤا نیوز

 

دوای ئەوەی ئەنجوومەنی ئاسایشی نێودوەڵەتی بڕیاریدا، لە کانوونی یەکەمی 2025 کۆتایی بە ئەرکەکانی یونامی بهێنێت، حکومەتی عێراق پێشوازیی لە بڕیارەکەدا کرد و سوپاسی یونامی دەکات.

 

وێنە گەورەکە: ئەمڕۆ ئەنجوومەنی ئاسایشی نێودەوڵەتی بەکۆی دەنگ بڕیاریدا لە 31ی کانوونی یەکەمی ساڵی 2025 بەتەواوی کۆتایی بە ئەرکەکانی یۆنامی لە عێراق ببهێنێت.

 

ڕاگەیێنراوی فەرمی: باسم عەوادی، گوتەبێژی حکومەتی عێراق ڕایگەیاند، بڕیارەکەی ئەنجوومەنی ئاسایش لەسەر داوای حکومەتی عێراق بووە.

 

زانیاری زیاتر: حکومەتی عێراق دووپاتی هاوکاری و هاوبەشی بەردەوامی خۆی لەگەڵ نەتەوە یەکگرتووەکان و بەرنامەکانی دەکاتەوە لە عێراق دا.
 

ئەوەی پێویستە بیزانیت: سەرۆکوەزیرانی عێراق محەممەد شیاع سوودانی لە هەشتی ئەم مانگە داوای لە نەتەوە یەکگرتووەکان کرد، ئەرکەکانی یونامی لە وڵاتەکەی کۆتایی پێبهێنن و پێویستیان پێی نەماوە.