سەرۆکی لیژنەی ئۆڵمپی: ئاڤا بووەتە چاوی خەڵک

ئاڤا نیوز

 

سەرۆکی لیژنەی ئۆڵمپیی کوردستان ڕایگەیاند، هەنگاوەکەی ئاڤا بۆ برەودان بە وەرزش بێ وێنەیە.

 

چیرۆکی سەرەکی: کاتژمێر 10:00ـی شەوی شەممە 01-06-2024 یاریی کۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند بەڕێوەدەچێت.

 

 لێدوانی فەرمی: سەڵاح حەسەن، سەرۆکی لیژنەی ئۆڵمپیی هەرێمی کوردستان، بە ئاڤا نیوزی ڕاگەیاند: دەستخۆشی لە گرووپی میدیایی ئاڤا دەکەم، ئەم هەنگاوەی بۆ برەودان بە وەرزش بێ وێنەیە و گرنگە خەڵک لە چاوی ئەم کەناڵەوە یارییەکان ببینێت، ئەوەی لە توانامان بێ دەستی یارمەتیتان بۆ درێژ دەکەین، هیوای سەرکەوتنتان بۆ دەخوازم.

 

چی ڕوودەدات: ئەمشەو ئاڤا میدیا کەرنەڤاڵێکی گەورەی وەرزشی بە بۆنەی بەڕێوەچوونی یاری کۆتایی چامپیۆنزلیگ لە شەقامی ئیسکانی هەولێر ساز دەکات، گەنجانی سەرجەم ناوچەکانی هەرێمی کوردستان لە پێش سێ شاشەی گەورە کۆدەکاتەوە.