لە ئێران لە کۆنسێرتێکدا 35کەس دەستگیردەکرێن

ئاڤا نیوز

 

هێزە ئەمنییەکانی ئێران لە کۆنسێرتێکدا 35 کەس دەستگیر دەکەن، هۆکارەکەشی بۆ نایاسایی بوونی کۆنێسێرتەکە دەگەڕێننەوە.

 

ڕاگەیێنراوی فەرمی: ئاژانسی خوێندکارانی ئێران(ئیسنا) ڕایگەیاند: "دوای دەستنیشانکردنی شوێنەکانی کۆنسێرتەکەیان، هێزەکانی پۆلیس هەڵیکوتاوەتە سەر کۆبوونەوەی کۆمەلێک کەس کە نیشانە و هێمای شەیتانی و مەی و مادەی هۆشبەرەکانیان هەڵگرتووە، کە لە ئەنجامدا 35 کەس دەستگیرکراون".

 

زانیاریی زیاتر: 31 پیاو و چوار ژن لە شوێنی ڕووداوەکە دەستگیرکراون و ڕەوانەی دەسەڵاتی دادوەری کران.

 

ئەوەی پێویستە بیزانیت: دەسەڵاتدارانی ئێران پێشتر کۆنسێرتەکانی ڕۆک و هێڤی میتالیان بە کۆبوونەوەی "شەیتانی" ناوزەند کردووە. هەڵکوتانە سەر کۆنسێرت و کۆبوونەوە بەناو "شەیتانییەکان" لە ئێران باوە.

 

باکگراوند: لە مانگی ئایاری ڕابردوودا پۆلیس زیاتر لە 250 کەسی لە ڕۆژئاوای تارانی پایتەخت بە هەمان تۆمەتی هاوشێوە دەستگیرکرد، لەنێویاندا سێ هاووڵاتی ئەوروپی هەبوون.