وەزارەتی ناوخۆی عێراق لێکۆڵینەوە لە برینداربوونی کارمەندەکانی دەکات

ئاڤا نیوز  

وەزارەتی ناوخۆی عێراق، تیمێک بۆ لێکۆڵینەوە لە برینداربوونی ژمارەیەک لە کارمەندانی وەزارەتەکەی لە خۆپیشاندانەکانی ئەمڕۆی پارێزگای زیقار ڕادەسپێرێت.

وێنە گەورەکە: یەکشەممە 2-6-2024، بە دەیان فەرمانبەری گرێبەست لە کۆمپانیای نەوتی زیقار بۆ بەهەمیشەیی دامەزراندنیان خۆپیشاندانیان کرد، هێزە ئەمنییەکان بۆ بڵاوەپێکردنیان تووندوتیژییان بەکارهێنا، بەهۆیەوە ژمارەیەک لە خۆپیشاندەران برینداربوون و هاوکات ژمارەیەک لە کارمەندانی هێزە ئەمنییەکانیش برینداربوون.

ڕاگەیێنراوی فەرمی: وەزارەتی ناوخۆی عێراق ڕایگەیاند: عەبدولئەمیر شەممەری، وەزیری ناوخۆی عێراق، تیمێکی ڕاسپارد بۆ لێکۆڵینەوە لە هۆکارەکانی برینداربوونی 19 کارمەندی هێزەکانی پۆلیسی پارێزگای زیقار، کە برینی یەکێکیان سەختە.

زانیاریی زیاتر: وەزیری ناوخۆ داواشی کردووە، لێکۆڵینەوە لە برینداربوونی ئەو چوار هاووڵاتیەش بکەن کە لە خۆپیشاندانەکان دژی داخستنی کۆمپانیای نەوتی زیقار و بەرهەمە نەوتییەکان و کارگەی غازی زیقار برینداربوون.