ئەنجوومەنی پارێزگای کەرکووک بۆ هەڵبژاردنی پارێزگار کۆدەبێتەوە

ئاڤا نیوز 

جێگری سەرۆکی پەرلەمانی عێراق ڕایگەیاند، کۆبوونەوە لەگەڵ لایەنە براوەکانی کەرکووک بۆ یەکلایکردنەوە و دانانی پارێزگارێک بۆ شارەکە بەردەوامە.

بۆچی گرنگە: لە دوای ڕووداوەکانی 16ی ئۆکتۆبەری 2017 ەوە دۆخی کەرکووک نائاساییە، دوای دانانی پارێزگارێکی کورد چاوەڕوان دەکرێت ڕەوشەکە ئاسایی بکرێتەوە.

لێدوانی فەرمی: شاخەوان عەبدوڵا، جێگری سەرۆکی پەرلەمانی عێراق بە ئاڤا نیوزی گوت: هەوڵی جددی هەیە تا لە نزیکترین کاتدا ئەنجوومەنی پارێزگای کەرکووک بۆ هەڵبژاردنی پارێزگار کۆببێتەوە، پۆستەکەش بەپێی ئیستیحقاقی نەتەوەیی بۆ کورد دەبێت، هاوکات کورد زۆرترین کورسی لە هەڵبژاردانی ئەنجوومەنی پارێزگاکەدا هێناوە.

زانیاریی زیاتر: سەبارەت بەو دەنگۆیانەی باس لەوە دەکەن بە خول پۆستی پارێزگار دادەنرێت، شاخەوان عەبدوڵا دەڵێت "هیچ بنەمایەکی نییە و دوورە لە ڕاستییەوە، ئەوانەی سودمەندن لە پرۆژەکان وا دەڵێن".