له‌ عێراق ساڵانه‌ 40 ملیۆن تۆن پاشماوە فرێ ده‌درێته‌‌ زبڵخانه‌كان

ئاڤا نیوز

 

عێراق ساڵانە 40 ملیۆن تۆن پاشماوە فرێ دەداته‌ زبڵخانەکان و لەکاتێکدا دەتوانرێت 54%ـى بگۆردرێت بۆ وزە و گازی میتان. 

 

وێنە گەورەکە: بەگوێرەی دوایین ڕاپۆرتی وەزارەتی ژینگەی عێراق، هەموو تاكێكی عێراقی ڕۆژانە کیلۆگرامێک پاشماوە فڕێ دەداته‌ زبڵخانه‌كان. 

 

لێدوانی فەرمی: جاسم فه‌لاحی، بریکاری وەزاره‌تی ژینگەی عێراق له‌ لێدوانێکی تایبه‌ت به‌ ئاڤا نیوز ڕایگه‌یاند: حکومەتی عێراق سه‌رقاڵی واژۆكردنی دوو پڕۆژه‌یه‌ کە لە مانگێکدا 6 هەزار تۆن پاشـماوە دەگۆڕێت بۆ وزە، 22 پڕۆژەی دیکەمان ئاماده‌كردووه‌ له‌ چوارچێوه‌ی بودجەی وەبەرهێنان و کارکردن بۆ نۆژه‌نكردنه‌وه‌ی تاقیگەکان.

 

زانیاریی زیاتر: لە بودجە سێ ساڵییەکەی عێراق بڕی 10 ملیار و 800 ملیۆن دینار بۆ پاڵپشتیکردنی کەرتی ژینگە ته‌رخانكراوه‌ کە بەسەر وەزارەتەکانی نەوت، کارەبا و ژینگە دابەش ده‌كرێت.