ماكرۆن: ڕووسیا جیهان نا سەقامگیر دەكات

ئاڤا نیوز

سەرۆكی فەڕەنسا هێرشی تووند دەكاتە سەر سەرۆكی ڕووسیا و دەڵێت " پووتین جیهان ناسەقامگیردەكات و با دڵنیابێت پشتیوانی فەڕەنسا بۆ ئۆكراینا  كۆنكرێتییە".

وێنە گەورەكە: ئیمانوێڵ ماكرۆن، سەرۆكی فەڕەنسا و ڤۆڵدمێر زێلێنسكی، سەرۆكی ئۆكراینا كۆبوونەوە، جارێكی دیكە سەرۆكی فەڕەنسا بەتووندی هێرشی كردە سەر ڕووسیا و دڵنیایی دایە ئۆكراینا پاریس پشت لە كیێڤ ناكات، ئەوەش لەكاتێكدایە زیاتر لە دوو ساڵە شەڕی ئۆكراینا بەردەوامە.

لێدوانی فەرمی: ئیمانوێڵ ماكرۆن، سەرۆكی فەڕەنسا ڕایگەیاند:"ڕووسیا تموحی فراوانخوازی زیاتری هەیە و جیهانیش ناسەقامگیر دەكات، با پووتین دڵنیابێت، وڵاتەكەمان بەبەردەوام لە پشتیوانی ئۆكراینایە و بڕیارەكانمان بۆ كیێڤ كۆنكرێتین".

لە لایەكی دیكەوە: ڤۆڵۆدمێر زێلێنسكی، سەرۆكی ئۆكراینا ڕایگەیاند: "فەڕەنسا هەمیشە پشتیوانی ئێمە بووە و ستایشی ئەو ماندوو نەناسیەیان دەكەین".

ئەوەی پێویستە بیزانیت: تا ئێستا فەڕەنسا بەبەهای 650 ملیۆن یۆرۆ پشتیوانی ئۆكراینای كردووە.