عێراق نزیکەی شەش ملیۆن بەرمیل نەوت هەناردەی ئەمریکا دەکات

ئاڤا نیوز

 

لە مانگی ئایاری ڕابردوودا، قەبارەی هەناردەکردنی نەوتی عێراق بۆ ئەمریکا، پێنچ ملیۆن بەرمیل نەوتی تێپەڕاندووە.

 

ڕاگەیێنراوی فەرمی: بەڕێوەبەرایەتیی زانیاریی وزەی ئەمریکا ڕایگەیاند: "لە مانگی ڕابردوودا، عێراق بڕی پێنج ملیۆن و 806 هەزار بەرمیل نەوتی خاوی بۆ ئەمریکا هەنارده کردووە، بە قەبارەی 187 هەزار بەرمیل نەوت لە ڕۆژێکدا".

 

زانیاریی زیاتر: "عێراق دوای کەنەدا، مەکسیک و سعوودیە، چوارەم هەناردەکاری نەوتی خاوە بۆ ئەمریکا، لە ئاستی وڵاتان عەرەبییش، ڕیزبەندیی دووەمی گرتووە". بەڕێوەبەرایەتییەکە وادەڵێت.

 

ئەوەی پێویسته بیزانیت: بەراورد بە مانگی نیسان، قەبارەی هەناردەکردنی نەوتی عێراق بۆ ئەمریکا، لە مانگی ئایار کەمی کردووە.

 

وێنە گەورەکە: زۆربەی داهاتی عێراق لە فرۆشتنی نەوتەوە دەست دەکەوێت، کەمبوونەوە و زیادبوونی فرۆشی نەوت و دابەزین و بەرزبوونەوەی نرخی نەوت ڕاستەوخۆ کاریگەری لەسەر ئابووری عێراق هەیە.