لە دهۆک 500 کیلۆ ماسی بە نایاسایی ڕاو دەکرێن

ئاڤا نیوز

 

لە پارێزگای دهۆک، هەشت ڕاوچی 500 کیلۆ ماسییان ڕاو کردووە، دوو لە ڕاوچییەکان دەستگیر کراون.

 

وێنە گەورەکە: لە هەرێمی کوردستان، تا 20ـی ئەم مانگە ڕاوکردنی ماسی قەدەغەیە، هەر کەسێک ڕاو بکات، لێپێچینەوەی یاسایی لەگەڵ دەکرێت.

 

لێدوانی فەرمی: ڕەمەزان سیاری، بەرپرسی بەشی فریاکەوتن لە پێشمەرگەی ژینگەی دهۆک بە ئاڤا نیوزی ڕاگەیاند: "لەنێو ئاوی بەنداوی مووسڵ، هەشت ڕاوچی 500 کیلۆ ماسییان ڕاو کردووە. لە ئێستادا دوو لەو ڕاوچییانە، قۆڵبەست کراون و ئەوانەی دیکەش ناسراونەتەوە".

 

ئەوەی پێویستە بیزانیت: ماسییەکان بەڕێگەی بەکارهێنانی کارەبا ڕاوکراون. چوار بەلەم، دوو ڕاوچی و کۆمەڵێک کەلوپەلی ڕاوکردن دەستیان بەسەردا گیراوە.