پەكەكە خستنەخوارەوەی درۆنێكی توركیا لە هەرێمی كوردستان ڕادەگەیێنێت

ئاڤا نیوز 

بەگوێرەی هەواڵێکی میدیای نزیک لە پەکەکە، هێزەکانیان درۆنێکی تورکیایان لەچیای ئاسۆس لە هەرێمی کوردستان كردووەتە ئامانج و خستوویانەتە خوارەوە، بەڵام هێشتا توركیا هەواڵەكەی پشتڕاست نەكردووەتەوە.

وێنە گەورەکە: فڕۆکەی بێ فڕۆکەوانی تورکی  جۆری "ئەنکا" بەردەوام بۆردوومانی سنووری چیای ئاسۆس و قەندیل دەكات كە گەریلاكانی پەكەكەی تێدان.

ڕاگەیێنراوی فەرمی: بە پێی ڕاگەیێنراوێكی "هەپەگە" كە باڵی سەربازی پەکەکەیە، "کاتژمـێر 11ی شەو لە شەشی حوزەیران، لە چیای ئاسۆس، لە ڕێگەی سیستەمی  بەرگریی قەندیل ئەو درۆنە تورکیە تێکشکێنراوە".

زانیارییە بەدەستهاتووەکان: "پاشماوەی درۆنەکە، لە نزیک دەریاچەی دووکان دۆزراوەتەوە".

بۆچوونی لایەنی بەرامبەر: تا ئێستا تورکیا هیچ ڕوونکردنەوەیەکی لەو بارەیەوە نەداوە.

باکگراوند: ماوەی 46 ساڵە شەڕی پەکەکە و تورکیا لە سنوورەکانی هەرێمی کوردستان بەردەوامە و بەهۆیەوە چەندین هاووڵاتی گیانیان لەدەستداوە و زیان بە كشتوكاڵ و ڕەز و باخ و مەڕو ماڵاتی ئەو ناوچانەش گەیشتووە.