یوتیوبەرێک بووە ئەندامی پەرلەمانی ئەوروپا

ئاڤا نیوز

یوتیوبەرێكی بەناوبانگی خەڵكی قوبرس، كە نزیكەی سێ ملیۆن فۆڵۆوەرزی لە سۆشیاڵ میدیا هەیە، توانی دەنگی پێویست بۆ ئەندامیەتیی پەرلەمانی ئەوروپا بەدەستبهێنێت.

چیرۆكی سەرەكی: فیدیاس پەنایۆتۆ، یەكێكە لە یوتوبەرە كۆمیدییە قوبرسییەكان لە بەناوبانگترینەكانی سۆشیاڵ میدیایە، خۆی بۆ پۆستی ئەندامییەتی پەرلەمانی ئەوروپا بەربژێر كرد و توانی زۆرترین دەنگ بەدەستبهێنێت و ببێتە ئەندام.

ئەوەی پێویستە بیزانیت: فیدیاس پەنایۆتۆ، کوڕی قەشەیەکی مەسیحی ئۆرسۆدۆکسی یۆنانییە، هیچ ئەزمونێكی سیاسیی نییە، پەیوەندی بەهیچ حیزبێكی وڵاتەكەیەوە نییە، لەڕێگەی ڤیدیۆكانیەوە توانی سەرنجی گەنجانی وڵاتەكەی ڕابكێشێت.

زانیاریی زیاتر: یوتیوبەرەكە توانی %19.4 دەنگەكانی قوبرس بۆ پەرلەمانی ئەوروپا بەدەستبهێنێت.

لێدوانی فەرمی: فیدیاس پەنایۆتۆ بەربژێری سەربەخۆی دەرچووی پەرلەمانی ئەوروپا ڕایگەیاند:" شۆكم بەو دەنگانەی بەدەستمهێناوە ئەوەی ڕوویداوە موعجیزە بووە".

باكگراوند: کۆماری قوبرس لە ڕۆژهەڵاتی یەکێتی ئەوروپایە، ژمارەی دانیشتووانی نزیکەی 900 هەزار کەسە. 

وێنە گەورەکە: لە ڕۆژانی 06-09ـی حوزەیرانی ئەمساڵ، هەڵبژاردنی پەرلەمانی یەکێتیی ئەوروپا بەڕێوەچوو.