عەلی تەتەر: دهۆک لە بەرهەمی کشتوکاڵیدا لەسەر ئاستی عێراق یەکەمە

ئاڤا نیوز

 

پارێزگاری دهۆک ڕایگەیاند، لە بواری کشتوکاڵیدا پارێزگای دهۆک لە سەر ئاستی عێراق یەکەمە.

 

وێنە گەورەکە: ئەمرۆ لە ئاکرێ سەرۆکوەزیران بارزانی، بەردی بناغەی دووەم گەورەترین عەلوەی لەسەر ئاستی هەرێمی کوردستان و عێراق دانا، پرۆژەکە بە گوژمەی 22 ملیۆن دۆلار لەسەر ڕووبەری 245 هەزار مەتر دووجا دروست دەکرێت.

 

لێدوانی فەرمی: عەلی تەتەر، پارێزگاری دهۆک لە گوتارێکدا ڕایگەیاند: "لە ماوەی سێ ساڵی ڕابردوو بە کۆششی سەرۆکوەزیران بارزانی کوالێتی و قەبارەی بەرهەمەکان بەرزبووەتەوە، دهۆک لە بەرهەمی کشتوکاڵی لەسەر ئاستی عێراق یەکەمە".

 

بۆچی گرنگە: دروستکردنی عەلوەی هاوچەرخی ئاکرێ دەستپێکی شوڕشێکی نوێی سەردەمیانەی بەبازاڕکردن و بەکۆگاکردنی کشتوکاڵ دەبێت، کاریگەریی ڕاستەوخۆیی لەسەر ساغکردنەوەی بەربوومی جووتیاران دەبێت.