لەسەر وشەی گاوان وەزارەتی ڕۆشنبیری دێتە سەر هێڵ

ئاڤا نیوز

 

بۆ ڕێگریکردن لە شێواندنی زمانی کوردی لەنێو ڕیکلامە بازرگانییەکاندا، وەزارەتی ڕۆشنبیری هاتووەتە سەرهێڵ و هۆشداری بە کەناڵەکان دەدات، ئەگەر ڕیکلامێکی لەوجۆرە پەخشبکەن سزا دەدرێن.

 

چی ڕوودەدات: نیگەرانییەکان لەو کاتەوە دەستیپێکرد کە ڕیکلامێکی قوتووی شیرێک لەلایەن یەکێک لە کۆمپانیایەکی دیار بەرهەمهێنراوە، لەڕووی زمانەوانییەوە هەندێک وشەی وەک (گاوان) لە شوێنی (شوان) بەکارهێناوە.

 

ڕاگەیێنراوی فەرمی: ڕۆژی 10-6-2024، بەڕێوەبەرایەتیی گشتیی ڕاگەیاندن و چاپ و بڵاوکردنەوەی وەزارەتی ڕۆشنبیری، نووسراوێکی بڵاوکردووەتەوە و ئاماژەی بەوەداوە کە پێویستە ڕیکلام لەژێر ڕۆشنایی یاسا و ڕێنماییەکانی حکومەت بکرێن، کولتوور و دابونەریت و ڕەسەنایەتی زمانی کوردیش بپارێزێت.

 

خاڵی ئەرێنی: وەزارەتی ڕۆشنبیری داوای لە سەرجەم ئەو کەناڵانە کردووە پەخشی ڕیکلامەکە ڕابگرن، ئەگەر پابەند نەبن سزایان دەدات. 

 

ئەوەش بزانە: یاسای ژمارە 4 لە ساڵی 2019 لە پەرلەمانی کوردستان دەرچووە، تایبەتە بە ڕێکخستنی ڕیکلامی بازرگانی.