ژبەر شەڕێ پەکەکێ و تورکیا 201 گوندان ل ئامێدیێ هاتینە چۆلکرن

 ئاڤا دیجیتاڵ

ژبەر شەڕێ پەکەکێ و تورکیا تا نوکە ل سنوورێ دەڤەرا ئامێدیێ 201 گوند هاتینە چۆلکرن، ژبەر ڤێ چەندێ ژی ژبلی کو تانوکە 43 کەس بووینە قوربانی و زەرەرێن مەزنێن ماددی ژی ب خەلکێ وان دەڤەران کەفتینە، زێدەباری کو حکومەتا هەرێما کوردستانێ ژی نەشێت پرۆژەیێن خزمەتگوزاری بگەهینیتە وان گوندان یێن شەڕ و ئالوزی لێ نێزیک. 

 

وارشین سلێمان، قایمقامێ قەزا ئامێدیێ بۆ ئاڤا میدیا راگەهاند:

 

1-  شەڕێ تورکیا و پەکەکێ ئێك ژ بەربەستانە ل پێشیا حکومەتا هەرێما کوردستانێ، بوویە ئەگەر کو خزمەتگوزاری بۆ هندەک دەڤەر و گوندان نەهێنە دابینکرن.

2-  هەبوونا ڤان هەڤڕکییان کارتێکرن لسەر ژیانا وەلاتیێن قەزا ئامێدیێ کریە بگرە ژ (چاندنێ و پیشەسازیێ) وەلاتیێن وان گوندێن هاتینە چۆلکرن کۆچکریە بۆ سەنتەرێ ناحیە و سەنتەرێ باژێران.

3-  سنوورێ قەزا ئامێدیێ ژ شەش ناحیەیان پێكدهێت ژ سالا 2016ـێ ڤە و تا نوکە ژبەر شەڕێ تورکیا و پەکەکێ نێزیکی 43 وەلاتیێن سڤیل ل وان گوندان ژیانا خۆ ژدەستداینە و برینداربوونە.