تورکیا کوژرانی سەربازێکی و سێ گەریلای پەکەکەی لە هەرێمی کوردستان ڕاگەیاند

ئاڤا نیوز

 

لە کاتی ئۆپەراسیۆنی گەڕان و پشکنینی جەندرمەی تورکی بە ناوچەی پەنجە کلیتی سنووری نێوان هەرێمی کوردستان و تورکیا، سەربازێکی تورکیا و سێ گەریلای پەکەکەش دەکوژرێن.

 

ڕاگەیێنراوی فەرمی: وەزارەتی بەرگریی تورکیا  ڕایگەیاند، چاوش محەممەد عەلی، سەربازی هێزە پیادەی تورکی لە ناوچەی ئۆپەراسیۆنی  پەنجە-کلیت کوژراوە و سێ گەریلاش کوژراون.

 

لەلایەکی دیکەوە: وەزارەتی بەرگریی تورکیا کوژرانی چوار گەریلای پەکەکەی لە شرناخی باکووری کوردستان ڕاگەیاند.

بۆچوونی لایەنی بەرامبەر: میدیای نزیک لە پەکەکە ڕایگەیاند، دوو گەریلا لە باکووری کوردستان و فەرماندەیەکی باڵای پەکەکە لە چیای گارە لە شەڕی دەستەویەخەی سەربازانی تورکی کوژراون. بەڵام ئاماژەی بە دوو گەریلایەکەی دیکە نەداوە کە وەزارەتی بەرگریی تورکیا ڕایگەیاندووە.