شەپۆلی گەرما دەوامی پارێزگایەکی عێراق ڕادەگرێت

ئاڤا نیوز

 

بەهۆی بەرزبوونەوەی پله‌كانی گەرما، ئەنجوومەنی پارێزگای زیقار بڕیاریدا سبەی یەکشەممە دەوامی فەرمی له‌ سه‌رجه‌م داموده‌زگەكانی حكومه‌ت ڕابگیرێت. جگە لە دامەزراوە ئەمنیی و خزمەتگوزارییەکان.

 

وێنە گەورەکە: به‌گوێره‌ی بڕیاره‌كه‌ تاقیكردنه‌وه‌كانی پۆلی 12ـی ئامادەیی بەردەوام دەبن و پشووەکە ئەوان ناگرێتەوە.

 

لێدوانی فەرمی: ئەحمەد کازم، بەرپرسی ڕاگەیاندنی پەروەردەی زیقار بە ئاڤا نیوزی گوت: "بەهۆی بەرزی پله‌كانی گەرما، تاقیکردنەوەکانی خوێندکارانی پۆلی 12ـی ئامادەیی كاتژمێریك پێش دەخرێت، بەمەش کاتژمێر حەوتی بەیانی تاقیکردنەوەکان دەست پێدەکەن".

 

ئەوەی پێویستە بیزانیت: ئەمڕۆ شەممە، 11 شار و ناوچەی عێراق پلەی گەرمیی نیوە کوڵانی تێپەڕاند، پارێزگای زیقاریش یەکێک بوو له‌و ناوچانە.