سەرۆکی یانەی هەولێر: چوار ملیار دینار قەرزارین

ئاڤا نیوز

 

سەرۆکی یانەی هەولێر ئاماژە بەوە دەدات، دوای وەرگرتنی بەرپرسیارییەتی بەڕێوەبردنی یانەی هەولێر بۆیان دەرکەوتووە یانەکە چوار ملیار دینار قەرزارە، بەشێکیان داوەتەوە.

 

وێنە گەورەکە: یانەی هەولێر یەكێک لە نوێنەرانی کوردستانە لە خولی ئەستێرەکانی عێراق، لەم وەرزە بە دۆخێکی ناهەمواردا تێدەپەڕێت، لە کۆی 33 یاریی خاوەنی 36 خاڵن و چوار خاڵ لە ناوچەی دابەزین دوورن.

 

لێدوانی فەرمی: موئەید مەغدید، سەرۆکی یانەی هەولێر لە کۆنگرەیەکی ڕۆژنامەوانیدا گوتی، "تاوەکو ئێستا 500 ملیۆن دیناری قەرزمان داوەتەوە، بۆ یارییەکانی داهاتوو بە لایەنی کەم پێویستمان بە دوو ملیار دینارە".

 

ژمارەکان وادەڵێن: بەشێک لە قەرزەکانی یانەی هەولێر ئەمانەن:-

مووچە و گرێبەستی یاریزانەکانی تیپی تۆپی پێی عێراقی، یەک ملیار و 445 هەزار و 732 دینارە.

گرێبەستی یاریزانان 905 ملیۆن دینارە.

مووچەی کارمەندان: 65 ملیۆن و 181 هەزار و 750 دینارە.

تیپی تۆپی پێی خولی کوردستان 59 ملیۆن و 61 هەزار دینارە.

شایستە داراییەکانی لوئەی سەڵاح یاریزانی پێشووتری یانەکە، 210 ملیۆن دینار

سامی هومامی: 58 ملیۆن دینار 

عەباس عوبێد، تیمی هونەری پێشووتری یانەکە: 37 ملیۆن دینار.