بەم ڕێگەیانە زاڵبە بەسەر ترسی تاقیکردنەوەکان

ئاڤا نیوز

 

تاقیکردنەوەکانی قوتابییانی پۆلی 12ـی ئامادەیی دەستیپێکردووە، پسپۆڕانی بواری پەروەردە ئاماژە بە چەند ڕێگەیەک دەدەن بۆ زاڵبوون بەسەر ترسی تاقیکردنەوەکان.

 

وێنە گەورەکە: هۆکارەکانی ترس لە تاقیکردنەوەکان لە تاکێکەوە بۆ تاکێکی دیکە جیاوازە. چاوەڕوانیی زۆر، نەبوونی ئامادەکاری، ترس لە شکست، ئەزموونە نەرێنییەکانی پێشوو و نەبوونی متمانە بە تواناکانی مرۆڤ ترس لە تاقیکردنەوە زیاتر دەکەن.

 

ئەوەی پێویستە بیزانیت: بۆ زاڵبوون بەسەر دڵەڕاوکێی تاقیکردنەوەدا، ئەم خاڵانە پەیڕەو بکە:-

1-    بۆ ئەوەی پەلە نەکەیت، زوو دەست بە خوێندن بکە.

2-    تەکنیکی ڕەنگ کردن، دیاری کردن و بەشکردنی بابەتەکان بەکاربهێنە.

3-    بۆ ڕاگرتنی هاوسەنگی و گرنگیی بابەتاکان، پلانی خوێندن دابنێ.

4-    ڕاهێنان لەسەر پرسیاری ساڵانی ڕابردوو بکە.

5-    زانیارییەکان کورت بکەوە.

6-    تەکنیکەکانی پشوو و هەناسەدان بۆ کەمکردنەوەی فشار بەکاربهێنە.

7-    متمانەبەخۆکردنت بەڕێگەی بیرکردنەوەی ئەرێنی زیاد بکە.

8-    ئاگاداریی خەو و خواردنەکانت بە.

9-    خۆت بە کەسانی دیکە بەراورد مەکە.

10-    ئامانج بۆ خۆت دابنێ.

11-    کاتەکانی هەر ڕۆژێکت دابەش بکە.