فەرەنسا فێستیڤاڵی سینەما لە سلێمانی و دهۆك ڕێکدەخات

ئاڤا نیوز 

 

فەڕەنسا بەنیازە فێستیڤاڵی سینەما لە سلێمانی و دهۆك ڕێكبخات، ئەمەش بەگوتەی بەڕێوەبەری ئینستیوتی فەڕەنسی لە هەولێر.

وێنە گەورەکە: وەزیری ڕۆشنبیری و لاوان لەگەڵ شاندێكی باڵیۆزخانە و كونسوڵخانە و ئینستیوتی فەرەنسا لە هەرێمی كوردستان و عێراق کۆبووەوە،  چەندین پرسی كولتووری و فەرهەنگی و هەماهەنگی نێوان وەزارەت و دامەزراوە كولتوورییەكانی فەرەنسا لە هەرێمی كوردستان تاوتوێ كران.

بڵاوکراوەی فەرمی: وەزارەتی رۆشنبیری و لاوان ڕایگەیاند: لە كۆبوونەوەكەدا، "برێم یان"، کونسوڵی گشتیی فەرەنسا لە هەرێمی کوردستان، ڕایگەیاند: ئەگەر پشتیوانی بەردەوامی وەزارەت نەبوایە، نەدەتوانرا چالاكییە كولتوورییەكانی كونسوڵخانەی فەرەنسا پەرە پێ بدەین.

لە لایەكی دیكەوە: "فرێدریک تارید"، بەڕێوەبەری ئینستیوتی فەرەنسی لە هەولێر ڕایگەیاند، لە بەرنامەیاندایە پێشانگەیەكی شێوەكاری ئۆنلاین لە هەڵەبجە و فێستیڤاڵی سینەما لە سلێمانی و دهۆك ڕێكبخەن، بۆ ساڵی داهاتووش بە نیازن درێژە بە فێستیڤاڵی شیعری ژنان لە هەڵەبجە بدەن، كە ئەمساڵ بۆ یەكەمجار بەڕێوەچوو.