یەکێتیی ئەوروپا پێدانی پارە بلۆککراوەکانی ڕووسیا بە ئۆکراینا پەسەند دەکات

ئاڤا نیوز 

یەکێتیی ئەورووپا ڕەزامەندی لەسەر خەرجکردنی یەک ملیار و 400 ملیۆن یۆرۆ دەربڕیوە، لە سوودی سەروەت و سامانی بلۆککراوی ڕووسیا بۆ ئۆکراینا.

وێنە گەورەکە: یەکێتی ئەوروپا ڕەزامەندی دەربڕی لەسەر پێدانی بەشە یەکەمی بڕی یەک ملیار و 400 ملیۆن یۆرۆ (105 ملیار دۆلار) کە لە سەروەت و سامانی بلۆککراوی ڕووسیا کۆکرایەوە بۆ یارمەتیدانی پڕچەککردنی ئۆکرانیا.

لێدوانی فەرمی: جۆزێپ بۆرێل، بەرپرسی کاروباری دەرەوەی یەکێتی ئەوروپا ڕایگەیاند، ئەو قازانجەی کە لە سەروەت و سامانی بلۆککراوی ڕووسیا لە ئەوروپا بەدەست دێت، نەک خودی سەروەت و سامانەکان، بە خێراترین شێوە بۆ بەرژەوەندی ئۆکراینا بەکاردەهێنرێت.

زانیارییە بەدەستهاتووەکان: ئەم پارانە بەشێکن لە سوودی ساڵانەی نزیکەی سێ ملیار یۆرۆ لە سندوقە بەستووەکانی بانکی ناوەندیی ڕووسیا، کە یەکێتی ئەوروپا لە سەرەتای مانگی ئایاردا ڕەزامەندی دەربڕیبوو لەسەر بەکارهێنانی بەناوی کیێڤەوە.

ئەمەش بزانە:  مانگی داهاتوو یەک ملیار و 400 ملیۆن یۆرۆ بەردەست دەبێت و تا کۆتایی ئەمساڵ ملیارێکی دیکەش زیاد دەکات.