کۆمیسیۆن: 20-10 وادەیەکی گونجاوە بۆ هەڵبژاردن و ئامادەین

ئاڤا نیوز


کۆمیسیۆنی باڵای هەڵبژاردنەکانی عێراق ڕایدەگەیێنێت، 20-10 وادەیەکی گونجاوە بۆ هەڵبژاردن و ئامادەن بۆ بەڕێوەبردنی.

وێنە گەورەکە: ئەمڕۆ چوارشەممە نێچیرڤان بارزانی، سەرۆکی هەرێمی کوردستان بە مەرسوومێکی فەرمی ڕێککەوتی 20-10-2024ی وەک ڕۆژی بەڕێوەچوونی هەڵبژاردنی خولی شەشەمی پەرلەمانی کوردستان دیاری کرد.

لێدوانی فەرمی: د.عیماد جەمیل، سەرۆکی تیمی ڕاگەیاندنی ئەنجوومەنی کۆمیسیاران بە ئاڤا نیوزی گوت: "ئەو وادەیەی دیاریکراوە گونجاوە، ئامادەکارییەکانی کۆمیسیۆن بەردەوامن، ئامادەین و دەتوانین سەرپەرشتی هەڵبژاردن بکەین."

ئەوەی پێویستە بیزانیت: دڵشاد شەهاب، گوتەبێژی سەرۆکایەتیی هەرێمی کوردستان لە کۆنگرەیەکی ڕۆژنامەوانیدا ڕایگەیاند، بە هەڵسەنگاندنی ئەوان 20-10 گونجاوترین وادە بووە و هیچ ئاستەنگێک لەپێش بەڕێوەچوونی هەڵبژاردن نەماوە.